Sýsifos flettir og flettir blaðsíðum bóka sinna, en þær virðast engan endi ætla að taka. Óþarft er að ímynda sér að Sýsifos sé hamingjusamur - því með góða bók í hönd er hann það óhjákvæmilega.

STJÓRNMÁL 2: REVAMPED

STJÓRNMÁL 2: REVAMPED

Stjórnmál hafa lengi verið “til umræðu” innan samfélagsins. Þetta er ekkert svo skrýtið enda eru stjórnmál, að einhverju leyti, áhrifavaldar í lífi okkar. Til að mynda gæti vel meinandi en heimskur stjórnmálamaður ákveðið að það sé kannski alveg þjóðfélagsskemmandi hugmynd að leyfa almennum verslunareigendum að selja áfenga drykki í verslunum sínum. Þetta þyrftu þá allir þegnar þjóðfélagsins að lifa við - sama hversu heimskulegt það er! Þið getið rétt ímyndað ykkur hvers vegna fólki verður svo heitt í hamsi við að tala um stjórnmál.

Nú er þó löngu kominn tími til að umræðuhefðinni sé gjörbylt og ég ætla að vera sá sem tekur það að sér. Það er langt síðan við hefðum átt að stíga út úr þeim undarlega vana að telja stjórnmál vera bundin einhverjum “skoðunum” - hverjum hver og einn á “rétt” á og öllum öðrum ber að “virða”. Það er langt síðan við hefðum átt að fá einhvern sem er með allt á hreinu til að ákvarða fyrir fullt og allt hvað eru gott stjórnmál og hvað eru vont stjórnmál. Í þessari stuttu ritgerð vil ég útlista í skýrum og skorinortu máli hvað það er sem okkur ber að gera. 

Vel ber að nefna að hér lista ég ekki neinum svokölluðum “skoðunum” heldur hinum hlutlægu stjórnmálalegu bestunum. Það er ekkert annað í boði. Ég kynni með stolti - STJÓRNMÁL 2: REVAMPED.

1. Rífa Bessastaði, leggja niður forsetaembættið og byggja flugvöllinn sem áður var í Vatnsmýri ofan á sviðnum rústum gagnslausasta hlutverks allra tíma. Þannig eru allir sáttir - þeir sem kusu Guðna Th. (verandi skoðanalaus er hann effectively non-forseti), þeir sem vilja hafa flugvöllinn í grendinni, þeir sem vilja flugvöllinn burt úr Vatsnmýrinni, og þeim sem finnst Bessastaðir vera frekar ljót bygging og óréttlát, hegemónísk. Þetta síðasta á við um alla þjóðina, augljóslega.

2. Umbreyta Alþingi í kirkjugarð. Í hvert skipti sem við skjótum einhvern aumingja ísbjörn sem þvælist hingað með ísjaka ættum við að brenna líkið, setja í krukku, og stafla þeim þar sem forseti Alþingis situr nú/borar í nefið/dinglar einhverri óþolandi bjöllu alltaf. Svo ættum við líka að taka niður styttuna fyrir utan, af gamla hvíta karlinum, og hafa Styttu Af Harambe Górilluni sem Dó í Bandaríkjunum.

3. Banna stjórnmálaflokka. Það er komið nóg af þeim. Í stað þeirra ættum við að hafa eina alræðisskrifstofu sem stýrt er af Bonobo-öpum. Rannsóknir hafa sýnt að þeir eru miklu feminískari en frændur þeirra simpansar og svo uppfylla þeir líka allar lágmarkskröfur stjórnsýslustarfa - grundvallarhreyfigetu, þumalfingur og skammtímaminni upp á fimm sekúndur.

4. Taka aftur upp gömul og reynd hugtök á borð við “hrepps ómagi” og “þrældómur”. Velferðarkerfið er meingallað, eins og allir vita. Maður þarf að bíða í röð á spítalanum og svo hefur enginn efni á neinu einhvernveginn. Þess vegna er gott að vera hrepps ómagi. Maður fær bara að borða svið hjá nágranna sínum þegar maðuir á ekki pening. Hvað hitt varðar liggur það í augum uppi að ekkert siðmenntað samfélag getur þrifist án þess að kúga einhvern óheppinn og valdalausan hóp fólks til að vinna launa- og réttinda laust. 

5. Gerum þjóðsönginn að “Kleppur er Víða”, texti eftir Karl Ólafur Hallbjörnsson og lag eftir VaginaBoys, bæði meistara skáld og heimsfræg fyrir fagrufræðilegar tilætlanir sínar. Hverjum er ekki sama um eitthvað ógeðslega asnalegt fokking grenjandi blóm, titrandi af aumingaskap.? haha.

Ljóst er að tími er til kominn að þessar mikilvægu breytingar verði gerðar, og sem allra fyrst. Hér er ekki um neitt grín að ræða - það er öllum fyrir bestu að einhver hátt settur taki eftir þessu vísindalega og hlutlæga skjali og geri viðeigandi breytingar. Þangað til að svo verður bíð ég þess bara að þjóðin útnefni mig menntaðan einvald yfir Íslandi og hinum Fölsku Eyjum, sem eru undir hernaðarstjórn Íslands eins og alþekkt er. Ég játa að þetta er ekki nema brot af lista mínum yfir “STJÓRNMÁL 2”, og er ólmur að komast með fingurna í stjórnmálaapparatusinn til þess að geta gert alvöru breytingar. Þar til þá kveð ég í bili.

~ Sýsifos

Síðustu dagar Sigmundar

Síðustu dagar Sigmundar

Veganismi, vélmenni og siðferði

Veganismi, vélmenni og siðferði